Рамос ЕЧЛдаги 140-учрашувини ўтказди

Европа чемпионлар лигаси гуруҳ босқич, 3-туридан ўрин олган "Севилья" - "Арсенал" баҳси бўлиб ўтди ва унда лондонликлар 2:1 ҳисобида ғалаба қозонди.

Бу белллашув "Севилья" ҳимоячиси Серхио Рамос учун УЕФА Чемпионлар Лигасидаги 140-учрашув бўлди. Шу тариқа, Серхио турнир тарихида бу кўрсаткичга эришган 10-футболчига айланди.

Тўққизинчи ва саккизинчи ўринларда унинг "Реал"даги собиқ жамоадошлари Тони Кроос ва Рауль Гонсалес жой олган. Уларда мос равишда 141 ва 142 та ўйин бор, шунинг учун гуруҳ босқичининг кейинги турларида Рамос уларга етиб олиши ва ўзиб кетиши мумкин.

Эслатиб ўтамиз, турнир рекордчиси Криштиану Роналду ҳисобланади - у еврокубокларда 183 та ўйин ўтказган.