Рамоснинг гапи дўсти Роналдуга ёқмаслиги аниқ

Сўнгги йиллардаги энг кучли ўйинчилар – Лионель Месси ва Криштиану Роналду билан бирга тўп тепган кам сонли футболчилардан бири Серхио Рамос жаҳон футболида энг зўр ижрочи ким экани ҳақидаги фикри ўзгарди.

Испаниялик ҳимоячи “Реал”да Роналду билан ўйнаган бўлса, ПСЖга ўтганидан кейин Мессининг жамоадошига айланди.

- Мен бир неча йиллар давомида Лионель Мессига қарши ўйнаб кўп жабр кўрганман. Лекин у билан бирга ўйнаб, футболдан том маънода баҳра олдим. У футбол оламидаги энг зўр ўйинчи, - деди  Рамос.

Лионель Месси фаолиятининг катта қисмини “Барселона”да ўтказган ва каталонияликлар сафидаги ўйинлари орқали саккиз бор “Олтин тўп” соҳибига айланди.

Криштиану Роналду эса, жаҳон футболида расмий учрашувларда энг кўп гол урган ўйинчи ҳисобланади.