Расман! Ҳакими "Интер" футболчиси

"Реал" ҳимоячиси Ашраф Ҳакими фаолиятини "Интер"да давом эттиради.

21 ёшли марокашлик футболчи клуб билан беш йилга мўлжалланган келишувга имзо чекди.

Олдинроқ, Ҳакими янги клубида йилига 5 миллион евро ишлаб топиши ва унинг трансферидан "Реал" 40 миллион ва бонуслар ишлаб олиши хабар қилинган эди.

Марокашлик футболчи "Реал" тарбияланувчиси ҳисобланади. У клуб системасига 2006 йилда келган, бироқ асосий таркибда фақатгина 17 та ўйин майдонга тушган.

Жорий мавсумни Ҳакими "Боруссия"да ўтказиб, 32 ўйинда 5 гол ва 10 голли узатма муаллифи бўлди.