Расман! Суперклуб катта трансферни эълон қилди

Португалия терма жамоасининг 21 ёшли ҳужумчиси Франсишку Консейсау фаолиятини Туриннинг “Ювентус” клубида давом эттирадиган бўлди.

Трансфер амалга ошгани ҳақида “Ювентус” матбуот хизмати расмий маълумот тарқатди.

Консейсау “Порту” жамоасига тегишли ўйинчи ҳисобланади. Келишувга кўра, Турин суперклуби уни мавсум охригача ижарага олди.

Португалия клуби иқтидорли футболчини жамоага қайтариш мақсадида туринликларга уни тўлиқ трансфер қилиш ҳуқуқини бермади.

Консейсаунинг ижараси Италия клубига 7 миллион еврога тушди. Шунингдек, натижаларга қараб, “Ювентус” 3 миллион еврогача бонус ажратиши кўзда тутилган.