"Реал" 100 миллион еврога футболчи олади

«Кристал Пэлас» клуби ярим ҳимоячиси Адам Уортон яқин вақтларда жамоасини алмаштириши мумкин. Бу ҳақда DefensaCentral нашри хабар берди.

Манбага кўра, футболчига «Реал» жиддий қизиқиш билдирмоқда. Бироқ «Кристал Пэлас» раҳбарияти Уортон учун жуда юқори нарх белгилаган. Англия клуби уни 100 миллион евродан камга қўйиб юборишни истамаяпти.

Адам Уортоннинг «Кристал Пэлас» билан амалдаги шартномаси 2029 йил ёзигача мўлжалланган. Transfermarkt портали футболчининг бозор қийматини 75 миллион евро атрофида баҳоламоқда.