"Реал" афсонаси Мбаппе пенальти тепмаганига муносабат билдирди

Гути Килиан Мбаппе "Реал"да пенальти тепувчи бўлиши кераклигини таъкидлади. 

Мадрид клуби Ла Лига 3-туридан ўрин олган "Лас-Пальмас"га қарши ўйиннинг (1:1) 69-дақиқасида мезбон ҳимоячи тўпни қўли билан ўйнагани сабабли пенальти тепиш имкониятига эга бўлди. 11 метрлик зарбани Винисиус голга айлантириб, ҳисобни тенглаштирди. 

"Қироллик клуби" собиқ ҳимоячиси Гути "El Chiringuito" нашрига берган интервьюсида француз футболчи нуқтага келмагани учун эътироз билдирди. 

"Агар Мбаппенинг ўрнида бўлганимда, вазиятга нисбатан муносабатим бошқача бўларди. Криштиану Роналду келганига 15 кун бўлганида ҳам ундан пенальти олиб қўйилмасди", - деди Гути.