«Реал» АПЛнинг икки юлдузини cотиб олмоқчи
«Реал» «Арсенал»дан Букайо Сака, «Манчестер Сити»дан Раян Шеркини қиммат трансфер эвазига олишни режалаштирмоқда.
«Реал» (Мадрид) «Арсенал» ҳужумчиси Букайо Сака ва «Манчестер Сити» ярим ҳимоячиси Раян Шеркига қизиқиш билдирмоқда.
Манба маълумотига кўра, мадридликлар ҳар икки футболчини ҳам ўзининг эҳтимолий трансферлар рўйхатига киритган. Клуб ҳужум чизиғини кучайтиришни режалаштираётгани айтилмоқда. Шу билан бирга, ҳозирча «Реал» ушбу жамоалар билан расмий музокара бошламаган, аммо яқин вақт ичида футболчилар вакиллари билан алоқага чиқиши мумкинлиги таъкидланади.
Хабарда қайд этилишича, «Манчестер Сити» Раян Шерки трансфери учун 100 миллион евродан ортиқ миқдор сўрамоқда. «Арсенал» эса Букайо Сака учун камида 150–160 миллион евро талаб қилиши кутилмоқда.
Эслатиб ўтамиз, Испания чемпионатида ўн турдан сўнг «Реал» 24 очко тўплаб, турнир жадвалида учинчи ўринни эгаллаб турибди.
Изоҳлар (0)