“Реал” барибир бразилиялик юлдузидан воз кечадиган бўлди

Мадриднинг “Реал” клуби бразилиялик ҳужумчи Эндрикни сотиш имкониятини кўриб чиқмоқда ва футболчи учун 60 миллион евродан ортиқ маблағ олишни режалаштирмоқда.

Бу ҳақда  Fichajes нашри хабар берди.

Лион”га ижарага берилган 19 ёшли форвард Франция чемпионатида барқарор ўйин амалиётига эга бўлиб, самарали ўйини билан бозор қийматини оширди. Мадрид клуби раҳбарияти унинг тараққиётини диққат билан кузатмоқда ва ҳозирги даврни эҳтимолий трансфер учун энг мақбул деб ҳисобламоқда.

Маълумотларга кўра, “Реал” 60 миллион евродан юқори таклифларни кўриб чиқишга тайёр. Футболчига Англия Премьер-лигасининг бир нечта клублари қизиқмоқда, улар унинг шартномаси ва трансфер шартларини ўрганмоқда.

Англияда унинг жисмоний имкониятлари, тезлиги ва ривожланиш салоҳияти юқори баҳоланмоқда.

Мадрид клубида шу билан бирга ҳужум чизиғи ва таркиб чуқурлиги таҳлил қилиняпти. Ҳужумда жой учун рақобат юқори бўлиб қолмоқда, бу ҳам трансфер стратегиясини шакллантиришда ҳисобга олинмоқда. Эндрикнинг Испанияга қайтиши унга асосий таркибда барқарор жойни кафолатламайди.