«Реал» «Барселона» трансферига халақит берди

Испаниялик журналист Хосе Альварес «Реал Мадрид»нинг ашаддий рақиби «Барселона»га зарар етказишга қаратилган ғалати таклиф ортидаги сирни очди.

Унинг маълум қилишича, кеча «Реал» «Атлетико» ҳужумчиси Хулиан Альварес учун 150 миллион евро таклиф қилган. Бу футболчига анча вақтдан бери «Барселона» даъвогарлик қилиб келаётган эди. Аммо каталонияликлар клубдаги мураккаб молиявий вазият туфайли 120 миллион евродан ортиқ таклиф бера олмаяпти.

Манбага кўра, аслида «Реал» Альваресни сотиб олиш ниятида бўлмаган. Мадрид клубининг асосий мақсади трансфер нархини сунъий равишда ошириш, шу орқали «Барселона»ни молиявий имкониятларидан юқори чегарага мажбурлаш бўлган.

Натижада «Реал» тўғридан-тўғри рақиби бўлган каталонияликларни таркибни кучайтириш имкониятидан маҳрум этишга урингани айтилмоқда.