"Реал" Беллингем бўйича қарор қабул қилди

«Реал» жамоаси ярим ҳимоячи Жуд Беллингемни таркибда сақлаб қолиш ниятида. Бу ҳақда журналист Рамон Альварес хабар берди.

Манба маълумотига кўра, Мадрид клуби инглиз футболчисига янги шартнома таклиф қилган. «Қаймоқранглар» Беллингемнинг келажаги борасида аниқлик юзага келган бир пайтда уни жамоада узоқ муддат қолдиришни мақсад қилган.

Жорий мавсумда Жуд Беллингем «Реал» таркибида 5 та ўйин ўтказиб, 2 та гол урди. Унинг амалдаги шартномаси 2029 йил ёзигача мўлжалланган.