“Реал” бу ишни 61 йил кутди

Чемпионликни мақсад қилган “Реал” жорий мавсумнинг дастлабки тўрт учрашувини ғалаба билан якунлади.

Карло Анчелотти шогирдлари чемпионат стартида “Атлетик”ни 2:0, “Альмерия”ни 3:1, “Сельта”ни 1:0 ва “Хетафе”ни 2:1 ҳисобида енгди. Барча учрашувларга рақиб дарвозасини ишғол қилган Жуд Беллингем жамоасининг ғалабаларини таъминлаб келмоқда.

Статистика мутахассисларининг маълум қилишича, “Реал” ўз тарихи давомида сўнгги марта 1962-1963 йилги мавсумда чемпионатни кетма-кет тўрт ғалаба билан бошлаган экан.

“Қироллик клуби” футболчилари барча жамоалардан фарқли равишда Ла Лигада ҳали очко йўқотгани йўқ.