"Реал"даги "Олтин тўп" соҳиби номини айтди

«Реал» дарвозабони Тибо Куртуа жорий йилги «Олтин тўп» соврини жамоадоши Килиан Мбаппега топширилиши керак, деган фикрда.

— «Олтин тўп»? Унга энг муносиб футболчи — Килиан Мбаппе. Бу мукофотни шу йил дунёда энг яхши ўйин намойиш этган футболчи олиши керак, энг кўп соврин ютиб олгани эмас. 

Менинг назаримда, «Олтин тўп» соҳибига айланиши керак бўлган футболчи — Килиан Мбаппе. У қандай ўйнаётгани, майдонда нима қилаётганини кўринг. Бу ердаги ва терма жамоадаги футболчилар билан гаплашганимда, ҳаммани унинг тезлиги ҳисобидан рақибларни осонликча ортда қолдириши, гўё улар йўқдек кўриниши ҳайратга солганини айтишди. Бунга у урган голлар сонини ҳам қўшинг, — дея таъкидлаган Куртуа.

Эслатиб ўтамиз, «Олтин тўп-2026» тақдимот маросими 26 октябрь куни Лондон шаҳрида (Англия) бўлиб ўтади.