“Реал” дарвозабонига янги иш чиқди

Туркиянинг бугунги кундаги энг кучли клуби  “Галатасарой” ёзги трансферлар ойнаси даврида “Реал”нинг захира дарвозабони Андрей Лунинни ўз таркибига қўшиб олмоқчи.

Испания нашрларининг ёзишича, дарвозабон ҳам муқим ўйин амалиётига эга бўлиш учун жамоасини ўзгартиришга тайёр. Лунин бу борада машҳур футбол агенти Жорже Мендеш билан ҳамкорлик қилади.

Украиналик голкипернинг клубдан кетиш бўйича якуний қарорга келишига “Реал” раҳбариятининг асосий дарвозабон Тибо Куртуа билан амалдаги шартномани яна икки йилга узайтириш бўйича ҳаракат бошлагани сабаб бўлди.

Воқеаларни диққат билан кузатаётган “Галатасарой” жорий мавсумнинг ўзида бир неча бор Лунинга қизиқиш билдирган эди.

Украиналик дарвозабоннинг “Реал” билан амалдаги шартномаси  2030 йилнинг ярмигача давом этиши белгиланган. Шу боис, Лунин ижара асосида бўлса ҳам, бошқа жамоада мунтазам ўйнаб туришга тайёр.