"Real" Devisdan ko‘ra, zo‘rroq himoyachi topdi

  • 16 dekabr, 2024, 22:19
  • Bilolbek Imomov
  • 0
  • Futbol
TIGGO 2 PRO

Ispaniyaning "Real Madrid" klubi bir necha mavsumdan buyon Alfonso Devisni olib kelish haqida o‘ylamoqda. Agar bu transfer amalga oshmasa, "Milan" himoyachisi Teo Ernandesni sotib olishga tayyor. 
 
Madridning "Real" klubi Mendining jismoniy holatidan xavotirda. 29 yoshli himoyachiga o‘rinbosar sifatida erkin agentga aylanadigan kanadalik Devis asosiy da’vogar deb ko‘rilmoqda. Bu futbolchiga "qaymoqranglilar"dan tashqari, "Liverpul" va "Barselona" kabi jamoalar ham katta qiziqish bildirgan. 
 
Transfer madridliklar foydasiga yakunlanmasa, "qirollik klubi" o‘zining sobiq futbolchisi hisoblangan Teoni jamoaga qaytarmoqchi. "Rossoneri"liklar bosh murabbiyi Fonseka frantsiyalik shogirdining o‘yinidan qoniqish hosil qilmayapti. Shuning uchun klubni tark etishiga qarshilik ko‘rsatmoqchi ham emas. 
 
Ernandesning milanliklar bilan shartnomasi 2026 yilning yoziga qadar mo‘jallangan bo‘lib, uning Transfermarkt portalidagi narxi 60 million evro deb baholanmoqda. 
 
Ma’lumot o‘rnida, 27 yoshli himoyachi bu mavsum 18 ta o‘yinda ishtirok etib, 2 ta gol va 2 ta golli uzatmaga mualliflik qilgan. "Bavariya" fulbeki esa 20 ta o‘yinda maydonga tushib, 2 bora assist amalga oshirishga ulgurgan.

Fikrlar

Fikr qoldirish uchun avtorizatsiyadan o'ting!