"Реал"га ўтганимда йиғлагандим

Футболчи бўлишни орзу қилган ҳар қандай йигит учун «Реал» сафида майдонга тушиш – энг олий мақсад, орзулар чўққиси ҳисобланади. Аммо Майкл Оуэн учун «галактикос» таркибига ўтиш кутилганидек бахт ва илҳом манбаи бўлмади.

2004 йил ёзидаги ушбу трансфер аввалiga эртакдек кўринган бўлса-да, амалда у шубҳа ва иккиланишларга тўла қарорга айланди. Бунинг асосий сабабларидан бири – Оуэнни катта футболга олиб чиққан, унга халқаро майдонда танилиш имконини берган «Ливерпуль»дан кетиш зарурати эди.

«Охир-оқибат розилик бердим, аммо шартномага имзо чекканим заҳоти орқа йўл йўқлигини англадим. Ўша пайтда ўйлагандим: “Илоҳим, мен нима қилдим?” Эсимда, аэропортга кетар эканман, қаттиқ йиғлаганман ва ўзимдан қайта-қайта сўраганман: мен нимани орқада қолдиряпман?», – дея Оуэннинг сўзларини келтиради derbyderbyderby.it сайти.

Англиялик ҳужумчи «Реал» таркибида бор-йўғи бир мавсум ўйнади.