"Реал" Холандга алоқага чиқди
Трансферга ҳаракат бошланди
«Реал» Эрлинг Холанд атрофидаги вазиятни синчиклаб кузатмоқда. Клуб раҳбарияти «Манчестер Сити» ҳужумчиси Эрлинг Холанднинг келажаги бўйича унинг агентлари билан мунтазам алоқа ўрнатган. Бу ҳақда El Mundo нашри хабар берди.
Маълумотларга кўра, мадридликлар «Манчестер Сити»га молиявий қоидаларни бузиш бўйича қўйилган айбловлар футболчининг келгуси фаолиятига қандай таъсир қилиши мумкинлигини ўрганмоқда. Холанднинг вакиллари ҳозирча аниқ жавоб бериш қийинлигини айтган ва вазиятни кузатиб туришни сўраган.
«Реал»да тушунишларича, агар Англия чемпионатида «Манчестер Сити»дан очколар олиб қўйилса ёки жамоа пастроқ дивизионга туширилса, бу Эрлинг Холанд учун янги клуб излаш имкониятини очиши мумкин.
Ҳужумчининг амалдаги шартномаси 2032 йил ёзигача мўлжалланган. Холанд «Манчестер Сити»га Дортмунднинг «Боруссия» жамоасидан ўтган эди.
Изоҳлар (0)