"Реал" кутган супертрансфер амалга ошди

Кот-д’Ивуар терма жамоаси ярим ҳимоячиси Ян Диоманде Германиянинг "Лейпциг" клубидан Испаниянинг "Реал" жамоасига ўтди. Бу ҳақда мадридликлар матбуот хизмати хабар берди.

Мадрид клуби футболчи билан 2033 йил 30 июнига қадар мўлжалланган узоқ муддатли шартнома имзолади.

Sky Sports телеканали маълумотларига кўра, "Реал" Ян Диоманде учун "Лейпциг"га 125 миллион евро тўлайди, яна 15 миллион евро турли бонуслар кўринишида назарда тутилган. 

Шу тариқа, ивуарийлик футболчи Мадрид клуби тарихидаги энг қиммат трансферга айланиши мумкин. Ҳозирча рекорд инглиз ярим ҳимоячиси Жуд Беллингемга тегишли — Transfermarkt портали маълумотларига кўра, у 2023 йил ёзида "Реал"га 127 миллион евро эвазига келиб қўшилган.

Шу билан бирга, Ян Дьоманде трансфери Африка футболчилари орасида ҳам энг қиммат битим сифатида қайд этилди. 2019 йилдан буён ушбу рекорд Кот-д’Ивуар футболчиси Николя Пепега тегишли эди — у ўша пайтда Франциянинг "Лилль" клубидан Англиянинг "Арсенал" жамоасига 80 миллион евро эвазига ўтган.