"Real" Madrid Ukrainaga insonparvarlik yordami jo‘natdi

Madridning "Real" klubi Ukraina halqiga insonparvarlik yordami jo‘natdi. Bu haqda "qaymoqranglilar" rasmiy sayti xabar berdi. 

Manbaga ko‘ra, jamoa 1 million evrodan ko‘proq summani Ukrainaga yordam sifatida o‘tkazib bergan. Bu mablag‘lar ehtiyojmand oilalar, oziq-ovqat va dori-darmonlar uchun sarflanadi.

Shuningdek, mazkur pullar ko‘rpa-to‘shak va boshqa zarur mahsulotlar uchun ham ishlatilishi ko‘zda tutilgan. Eslatib o‘tamiz, hozir Ukrainada notinch vaziyat hukmronlik qilmoqda.