"Реал" Марк Кукурелья трансферини эълон қилди

Мадриднинг "Реал" клуби 27 ёшли чап қанот ҳимоячиси Марк Кукурельянинг трансферини расман эълон қилди.

Испаниялик футболчи мадридликлар билан 2032 йилнинг 30 июнига қадар мўлжалланган узоқ муддатли шартномага имзо чекди.

Бундан олдинроқ тарқалган хабарларга кўра, "Челси" ушбу трансфердан 55 миллион евро ишлаб олади. Шунингдек, Лондон клубига қўшимча равишда 5 миллион евро бонус ҳам тўланиши кўзда тутилган.

Маълумот учун, испаниялик ҳимоячи инглиз клуби шарафини 2022 йилнинг августидан буён ҳимоя қилиб келаётган эди. Якунланган мавсумда Кукурелья АПЛ доирасида 34 та учрашувда майдонга тушиб, ўз ҳисобига 1 та гол ва 4 та голли узатмани ёздириб қўйган.