«Реал» Моуриньога шарт қўйди

Мадриднинг «Реал» клуби бош мураббий Жозе Моуриньюнинг тақдири юзасидан кескин қарор остонасида турибди. TEAMtalk нашри хабарига кўра, португалиялик мутахассис яқин кунларда ишидан қолиши мумкин.

Маълумотларга қараганда, клуб президенти Флорентино Перес Моуриньюга вазиятни тузатиш учун атиги икки ўйин муҳлат берган. Агар «Реал» Чемпионлар лигасида «Лейпциг»га, Ла Лига доирасида эса «Барселона»га мағлуб бўлса, Жозе Моуринью билан шартнома бекор қилиниши кутилмоқда.

Бундан аввалроқ, мадридликлар раҳбарияти Моуринью фаолиятидан мамнун эмаслиги ҳақида хабарлар тарқалган эди. Клуб унга катта ишонч билдириб, жамоа бошқарувида, шу жумладан трансфер сиёсатида ҳам кенг ваколатлар берган. Шу боис раҳбарият жамоадан тезкор натижа ва аниқ тараққиёт кутган, аммо бу ҳозирча ўзини оқламаётгани айтилмоқда.