"Реал" қадрламаган юлдузга учта клубдан иш чиқди

«Реал» таркибида тўп суриб келаётган аргентиналик ярим ҳимоячи Франко Мастантуоно фаолиятини Испаниядан Италияга кўчириши мумкин. Бу ҳақда Marca нашри хабар тарқатди.

Манба маълумотича, футболчига Италия А Сериясидан бир нечта жамоа қизиқиш билдирган. Хусусан, «Наполи», «Милан» ва «Фиорентина» клублари Мастантуонони ўз сафига қўшиб олиш имкониятини кўриб чиқмоқда.

«Реал» раҳбарияти эса аргентиналик футболчининг Европада қолиб, шу ерда ривожланишини истамоқда. Мадрид клуби ярим ҳимоячининг ватанига қайтишига қарши.

Ўтган мавсум Ла Лига доирасида Франко Мастантуоно 23 та учрашувда майдонга тушди. У шу ўйинларда бир гол урди, беш марта сариқ карточка олди ва бир бор майдондан четлатилди.