«Реал» Родри билан келишувга эришди

«Манчестер Сити» ярим ҳимоячиси Родри Мадриднинг «Реал» билан шахсий шартнома шартларини келишиб олди. Ҳозирча жаҳон чемпиони – 2026 йилгача амалда бўладиган футболчи «қироллик клуби»нинг «шаҳарликлар» билан трансфер борасида келишувини кутмоқда. Бу ҳақда журналист Маттео Моретто ижтимоий тармоқ X саҳифасида хабар берди.

Бундан олдин оммавий ахборот воситаларида Родри «Манчестер Сити» раҳбариятига «Реал Мадрид» сафига ўтиш истагини маълум қилгани ҳақида маълумотлар пайдо бўлган эди.

Ўтган мавсумда Родри барча мусобақалар доирасида 33 та ўйинда майдонга тушиб, 2 та гол урди. Футболчининг клуб билан амалдаги шартномаси 2027 йил ёзигача мўлжалланган. Transfermarkt портали маълумотларига кўра, Родрининг бозор қиймати 50 миллион еврони ташкил этади.