“Real” transferni rasmаn e’lon qildi

Madridning “Real” klubi rasmiy sayti orqali “Inter” o‘ng qanot himoyachisi Denzel Dumfrisning transferi amalga oshganin e’lon qildi.

Niderlandiyalik futbolchi bilan imzolangan shartnoma 2030 yilning 30 iyunigacha davom etishi belgilangan.

Avvalroq ommaviy axborot vositalari “Qirollik klubi” 30 yoshli futbolchi uchun Italiya chempioniga 20 million yevro miqdorida badal puli to‘lashi haqida ma’lumotlar tarqatilgan edi.

Dumfris 2021 yilning yozidan beri “Inter” sharafini himoya qilib kelayotgan edi. Tajribali himoyachi bu vaqt mobaynida milanliklar tarkibida jami 207 ta uchrashuvda maydonga tushib, himoyadagi vazifalarini bajarishdan tashqari 27 ta gol va 28 ta assist ham qayd etgan.

Dumfris “Inter” jamoasi tarkibida ikki marotaba Italiya chempioni va uch marta mamlakat kubogi sohibi bo‘ldi.