"Реал" Зидандан норози

Мадриднинг «Реал» клуби раҳбарияти Франция терма жамоаси бош мураббийи Зинедин Зиданнинг қарорларидан мамнун эмас. Бу ҳақда The Touchline нашри хабар берди.

Манбаларга кўра, мадридликлар сафида тўп сурувчи француз ҳужумчиси терма жамоа ихтиёрига етиб келган пайтдаёқ тиззаси атрофида оғриқ сезаётган эди. Шу боис «Реал» раҳбарияти Мбаппе Миллатлар лигаси гуруҳ босқичи биринчи турида Туркияга қарши учрашувни ўтказиб юборишини кутган.

Бироқ Мбаппе учрашувни асосий таркибда бошлади ва иккинчи бўлим бошида ўйинда ягона гол муаллифига айланди. Орaдан кўп ўтмай, у янада кучайган ноқулайлик сабаб майдонни тарк этди. 

Мадрид клубида Зидан бошчилигидаги Франция терма жамоаси мураббийлар штаби футболчининг соғлиғига нисбатан етарлича эҳтиёткорлик қилмаган, деган фикр шаклланган.

Кейинроқ «Реал» матбуот хизмати расман маълум қилишича, ҳужумчида чап тизза орқа капсуласида гиперчўзилиш ташхиси қўйилган.