“Реал”да катта йўқотиш

Европа Чемпионлар лигасининг умумий босқич биринчи турида “Реал” ўз майдонида “Марсель”ни қабул қилиб, қийинчилик билан 2:1 ҳисобида ғалаба қозонди.

Мадридликлар ўнг қанот ҳимоячиси Трент Александер-Арнольд учрашув бошидаёқ жароҳат олиб, бешинчи дақиқада ўрнини Дани Карвахалга бўшатиб берди. Карвахал эса, иккинчи бўлимда тўғридан тўғри қизил карточка олиб, жамоани қийин аҳволга солиб қўйди.

“Реал” клуби англиялик футболчи жароҳати бўйича расмий маълумот чиқарди.

- “Қироллик клуби” тиббиёт хизмати томонидан ўтказилган чуқурлаштирилган текширувлар натижасида жамоамиз ўйинчиси Трент Александер-Арнольд чап оёқ тиззаости мушакларидан жароҳат олгани тасдиқланди, - дейилади клуб баёнотида.

Ҳозирча, тажрибали ҳимоячининг тўлиқ оёққа туриши учун саккиз ҳафтага вақт кетиши айтилди.