“Реал”даги “бомба” трансферга қўл урмоқда

“Реал” ҳимоя чизиғида жиддий ўзгаришлар қилишга бел боғлади. RMC Sport нашри мадридликларнинг ёзга мўлжаллаган режаларини маълум қилди.

Унга кўра, “Қироллик клуби” раҳбарияти асосий нишон сифатида “Арсенал” марказий ҳимоячиси Вильям Салибани танлади.

“Канонирлар” ўз футболчиси дунёнинг энг кучли марказий ҳимоячиси, деб билади ва уни ўз таркибида сақлаб қолишга бор имкониятини сарфлайди. Бироқ, молиявий вазият устувор бўлган бугунги кунда ҳар қандай клубни трансферга кўндириш мумкин.

Ўз навбатида, “Арсенал” ҳам мўмай даромад эвазига Салибани қўйиб юбориши мумкинлиги айтилмоқда. Агар бу иш амалга ошса, 23 ёшли франциялик футболчи жаҳон футболидаги энг қимматбаҳо ҳимоячига айланади.

Салиба “Сент-Этьен” тарбияланувчиси ҳисоблагади. “Арсенал” уни 2019 йили 30 миллион еврога трансфер қилган. Орада иқтидорли ҳимоячи “Сент-Этьен”, “Ницца” ва”Марсель”да ижарада ўйнади. 2022 йилнинг ёзидан бери “Арсенал”нинг асосий таркибида тўп  тепиб келмоқда.