“Реал”дан кетаман!

Мадриднинг “Реал” клуби қанот ҳимоячиси Фран Гарсия мавсум тугагач, жамоани тарк этиши мумкинлиги ҳақида хабарлар тарқала бошлади.

Хусусан, таниқли журналист ва инсайдер Экрем Конур ҳам бу маълумотларни тасдиқлади.

Манба маълумотига кўра, январь ойида “Реал” мутасаддилари ўйин амалиётига эга бўлиш илинжида юрган Гарсиянинг “Борнмут”га ижара асосида ўтишини  блоклаган.

Шунга қарамай, Фран Гарсия ёзги трансферлар ойнаси даврида яна Мадриддан кетишга уриниб кўради.

Таъкидланишича, ҳимоячи ва унинг агентлари Англия Премьер-лигасидаги клублардан бирига ўтиш имкониятини ўрганмоқда. Бироқ Мендининг жиддий жароҳати Гарсиянинг “Реал”даги вазиятига таъсир қилиши мумкин.

Ушбу мавсумда 26 ёшли испаниялик барча мусобақаларда 22 та ўйинда майдонга тушиб, битта гол ва битта голли узатма муаллифи бўлди.

Гарсиянинг «Реал» билан меҳнат шартномаси 2027 йил ёзигача амал қилади. Transfermarkt мутахассислари футболчининг қийматини 12 миллион евро деб баҳоламоқда.