“Реал”га ҳужумчи керак эмас!

“Реал” бош мураббийи Карло Анчелотти жамоанинг асосий ҳужумчиси Винисиус Жуниор жароҳат олганига қарамай, клуб янги ҳужумчи харид қилмаслигини билдирди.

- Винисиуснинг жароҳати туфайли бизга янги ҳужумчи керакми? Йўқ, ҳужум чизиғимиз тўлиқ шаклланган ва ёпилган. Статистикага қараб ўзингиз баҳолашингиз мумкин. Биз Карим Бензема ва Винисиуссиз олтита гол уришни уддаладик. Демак, олдинги чизиқдаги ресурсларимиз етарли даражада.

Таркиб тўлиқ шаклланган. Биз Бензема, Винисиус, Куртуа ва Милитаосиз ҳам ғалаба қозона оламиз. Бу таркибимиз яхши шакллантирилганидан далолат беради. Йигитларнинг бари ишончли оқлаяпти, - деди Карло Анчелотти.

“Қироллик клуби” футболчилар Ла Лиганинг дастлабки туридаги учала учрашувни ўз фойдасига ҳал қилди ва ўйинларда рақиблар дарвозасини олти бор ишғол қилиб, атиги битта гол ўтказди.