“Реал”ни Анчелоттидан вақтинча қабул қилиб оладиган мураббий номи аниқ бўлди

“Реал” раҳбарияти бош мураббий Карло Анчелотти билан хайрлашишга тайёргарлик кўраётгани ҳақидаги маълумотлар кўпайиб бормоқда.

Мадридликлар ёзда жамоага “Байер”ни чемпионга айлантирган Хаби Алонсони олиб келишга қарор қилган. “Қироллик клуби” Анчелотти тез орада истеъфога чиқарилса, унинг ўрнини вақтинчалик қайси мутахассис босишини ҳам ҳал қилиб бўлди.

Испания нашрларининг ёзишича, клуб хўжайинлари жамоани аргентиналик мураббий Сантьяго Соларига топгирмоқчи.

Солари айни пайтда “Қироллик клуби”да директор лавозимида ишлаяати. У илгари жамоа оғир вазиятга тушиб қолганида уни бошқариб, етарли тажриба тўплаган.

“Реал”дагилар Сантьяго Солари 2025 йилнинг ёзида Хаби Алонсо келгунига қадар жамоага бош мураббийлик қилиб туришини истаяпти. Аргентиналик мутахассис жамоани 2018-2019 йиллар давомида бошқарган эди.