“Реал”нинг ўзини оқламаган трансферлари

Қиммат трансферларни амалга ошириш “Реал”дек буюк клубга ярашадиган хусусият. Лекин ҳар қандай зўр футболчи ҳам Мадрид клубида ўйнаб кета олмаган ҳолатлар ҳам тарихда кўп учрайди. Қуйида катта пул сарфланиб, “Реал”да реал кучини кўрсата олмай, синиб кетган юлдузлардан беш нафарини ёдга оламиз.

  1. Уэсли Снейдер - 27 миллион евро.

Снейдер “Реал”га салоҳиятли ёш ўйинчи сифатида катта умидлар билан олиб келинган эди. У яхши ўйнади, гол урди, голли паслар узатди. Лекин тақдирнинг ҳазили шавқатсиз бўлди. Клубнинг янги хўжайини аввалги раҳбарлар олиб келган футболчининг жамоада олиб қолишни истамади. Шу тариқа, унинг самарали ўйини ҳеч кимга керак бўлмай қолди ва голландиялик юлдуз секингина Мадридни тарк этди.

303285

  1. Aрьен Роббен - 36 миллион евро.

Ёшлигида Роббен жаҳон даражасидаги футболчи ҳисобланмас эди.  Ҳаттоки, “Челси”нинг бошланғич таркибига ҳам кира олмаган. Лекин “Реал” таклиф қилган пуллар уни юлдуз даражасига кўтарди. Англиядан Испанияга кўчиб ўтган голландиялик футболчи жароҳатга мойиллиги учун ҳар икки ҳафтада сафдан чиқарди. “Реал” юлдузлари орасида узоқ порлай олмаган Роббен захирада қолиб кетмаслик учун “Бавария”га ўтиб кетди. Немис шифокорлари уни жароҳатлардан қутқарди ва шу тариқа Роббен Мюнхен осмонида яна порлай бошлади.

1398777250_b_aren-robben

  1. Кака - 65 миллион евро.

Бразилиялик футболчи фақатгина трансфер суммаси туфайлигина юлдуз қаторида зикр этилмоқда, ўйини билан эмас. “Реал” 2009 йилда “Милан”га тўлаган бу нарх бугунги кун ҳолатида ҳам катта трансфер ҳисобланади. Кака эса ҳақиқий омадсиз бўлиб чиқди. Жароҳатлардан қийналди. Барқарор ўйин кўрсата олмади. Мадрид клубидаги тўрт йиллик фаолиятида атиги 23 та гол урган футболчини қандай қилиб юлдузларга ярашган ўйин кўрсатди, дейиш мумкин? Натижада “Реал” уни “Милан”га бепул қайтариб берди.

349196

  1. Aсьер Илльяраменди - 35 миллион евро.

“Реал” марказни кучайтириш учун “Реал Сосьедад”дан умидли ярим ҳимоячини сотиб олди. Aммо ҳақли савол туғилади. Майдон марказида Лука Модрич ва Тони Кроос сингари энг кучли футболчилар бор пайтда Флорентино Перес Илльярамендини олаётганда нимани ўйлаган? Катта пул сарф қилинган футболчи рақобатга дош беролмай, захирага михланди. Оқибатда яна ўша кулгили ҳолат. Футболчи эски жамоасига текинга қайтариб берилди.

1423904788_extras_noticia_foton_7_1

  1. Николя Aнелька - 40 миллион евро.

Ниҳоят, бетакрор Анелькага навбат келди. Унинг мухлисларнинг ҳис-туйғулари билан заррача иши йўқ эди. Фаолияти давомида 12 та жамоани алмаштиргани шундан далолат. Анелька Aнглия чемпионатида “Aрсенал” билан ғалаба қозонганидан сўнг, янги марраларни забт этишни истаб қолди. Ўша пайт у “Ливерпуль”,  “Манчестер Сити” ва “Реал” нишонида эди. Мадридликлар қатъият кўрсатиб, уни жамоага олиб келди. 40 миллион евролик ўйинчи бор-йўғи 2 та гол урди. Ҳар бир голининг қиймати 20 миллион евро! “Сиркаси сув кўтармайдиган” такаббур футболчи танқидларни кўтара олмади ва жамоадошлари ҳамда мураббийлари билан келиша олмай, фаолиятини бошлаган ПСЖдан паноҳ топди.

1541679592_anelka_real_madrid_2                                                                                                                

Матнда хатолик топсангиз, ўша хатони белгилаб, бизга жўнатинг (Ctrl + Enter)