Рэшфордга харидор топилди

Маркус Рэшфорднинг "Манчестер Юнайтед"даги келажаги ҳали ҳам ноаниқ. "The Sun" нашрининг хабарига кўра, "Ньюкасль" ҳужумчига қизиқиш билдирмоқда.

Рэшфорднинг ўзи аввалроқ "Барселона"га ўтишни ўйлаган эди, аммо испан клуби трансфер учун ҳаракат қилмади. Манбанинг хабарига кўра, "Ньюкасл", форвардга жамоадаги барқарор роль ва унга мос келадиган шароитларни таклиф қилишга тайёр.

"Қизил иблислар" раҳбарияти энди англияликни жамоанинг доимий ўйинчиси сифатида кўрмаяпти ва музокараларга очиқ. Футболчининг клуб билан шартномаси 2028 йилнинг июнига қадар тузилган ва унинг бозор қиймати 50 миллион еврони ташкил қилади.