Рим. Жоковичнинг финалдаги рақиби маълум

Римда ўтаётган "Мастерс" турнири ўзининг қизғин палласига кириб улгурди.

Бугун эркаклар ўртасида иккинчи финалчи номи ҳам аниқланди. Денис Шаповалов ҳамда Диего Шварцман ўртасидаги баҳс драматик тарзда якунланди. Дастлаб, Шварцман илк сетни 6:4 ҳисобида ўз ҳисобига ёздириб қўйган бўлса, иккинчи сет Шаповалов фойдасига ҳал бўлди. Ҳал қилувчи 3-сетда ракетка усталари тай-брэккача куч синашди.

Теннис лотереясида Шварцманнинг асаблари кучлилик қилди ва аргентиналик спортчи финал йўлланмасини қўлга киритди. Энди у 21 сентябрь куни Новак Жоковичга қарши кортга чиқади.