Римдаги финалда фаворитлар тўқнашади

Римдаги "Мастерс" турнирининг аёллар ўртасидаги баҳсларида финалчилар номи аниқланди.

Илк финалчи Каролина Плишкова ҳамюрти Маркета Вондроушовани хотиржам мағлуб этиб, ҳал қилувчи беллашувга етиб келди. Якуний ҳисоб 6:2, 6:4.

Иккинчи финалчи йўлланмани қўлга киритиш йўлида бироз қийналди. 1-тартиб рақам остида сараланган Симона Халеп финал остонасида испаниялик Гарбинье Мугурузани енгишга муваффақ бўлди. Қизиқарли кечган учрашув Халепнинг 6:3, 4:6, 6:4 ҳисобидаги ғалабаси билан якунланди.

Энди биринчи ҳамда иккинчи тартиб рақамда сараланган ракетка соҳибалари 21 сентябрь куни ўзаро муносабатларга ойдинлик киритишади.