Ришарлисон "Тоттенхэм"ни судга беряпти

Бразилиялик ҳужумчи Ришарлисон «Тоттенхэм» билан шартномани бекор қилиш учун судга мурожаат қилиш имкониятини кўриб чиқмоқда. Бу ҳақда The Athletic нашрига таяниб хабар берилмоқда.

Маълумотларга кўра, лондонликлар форвардни янги мавсум учун Англия премьер-лигаси рўйхатига киритмаган. Бунга Ришарлисоннинг ўзи раҳбариятга жамоани алмаштириш нияти борлигини айтгани сабаб бўлган. Шундан сўнг уни мавсум учун ариза рўйхатига қўшмасликка қарор қилинган, аммо футболчининг янги клуб топиш бўйича уринишлари ҳозирча самара бермаган.

Нашр манбаларига кўра, ҳозирда Ришарлисон ва унинг вакиллари шартноманинг қолган қисмини муддатидан олдин бекор қилиш учун суд тартибида даъво киритиш имкониятларини ўрганмоқда.

Ришарлисон 2022 йил ёзидан буён «Тоттенхэм» шарафини ҳимоя қилиб келмоқда. Унинг амалдаги шартномаси 2027 йил июнигача мўлжалланган. Ўтган мавсумда у клуб таркибида Англия премьер-лигасида 32 ўйин ўтказиб, 11 та гол урган.