«Ривер Плейт» Мессига совға топширди

Аргентинанинг «Ривер Плейт» клуби расмий сайти орқали ҳужумчи Лионель Месси клубнинг фахрий аъзоси мақомига эга бўлганини маълум қилди.

Аргентина футболи гранди раҳбарияти 39 ёшли ҳужумчи билан унинг миллий жамоа сафидаги хайрлашув учрашуви олдидан учрашди. Клуб президенти Стефано ди Карло Лионелга «Ривер Плейт»нинг 125 йиллиги муносабати билан 10-рақамли махсус футболка ҳамда аъзолик гувоҳномасини топширди.

Мессининг Аргентина миллий жамоаси сафидаги хайрлашув учрашуви 6 октябрдан 7 октябрга ўтар кечаси бўлиб ўтди. «Албиселесте» Бенинни 3:0 ҳисобида мағлуб этди. Мазкур учрашувда Лео бир гол урди ва 2 та голли узатма амалга оширди.