Робот-дарвозабон Роналдунинг “таъзири”ни берди

Жаҳон футболида энг кўп гол урган Криштиану Роналду NASA ва Apple компаниялари собиқ муҳандиси Марк Робер томонидан ишлаб чиқилган робот-дарвозабон билан уюштирилган синовда иштирок этди.

Марк Робер машҳур футболчига сунъий интеллект ёрдамида ҳаракатланадиган робот дарвозабонга гол уриш таклифини берди.

Бу эксперимент  экспериментга қарши  40 ёшли футболчи 2026 йилги жаҳон чемпионати саралаш турнири доирасида Португалия терма жамоаси йиғинида қатнашаётган пайтда ўтказилди.

Роналду дастлаб узоқ масофалардан зарба йўллади. Тез орада португалиялик юлдуз бу усулда гол уролмаслигига амин бўлди. Кейин 11 метрлик белгидан турли усулда зарба бериб кўрди. Робот кетма-кет 11 марта зарбани қайтарди.

Криштиану ўн иккинчи уринишда мақсадига етди. Роналду тўпни дарвоза бурчагига, устун ёнгинасига йўналтирди ва роботни ожиз қолдириб, тўпни дарвоза тўрига жойлади.

- Бу ажойиб ва ақлбовар қилмайдиган нарса, - деди Криштиану Роналду ҳайратини яшира олмай.

Эслатиб ўтамиз, Роналду 2023 йилнинг бошидан бери “Ан-Наср” шарафини ҳимоя қилиб келмоқда. Transfermarkt порталига кўра, тажрибали ҳужумчи саудияликлар сафида жами 117 та учрашувда иштирок этиб, 104 та гол ва 21 та ассист муаллифи бўлди.