Родри "Барса"нинг чўнтагига тўғри келмади

«Манчестер Сити» ярим ҳимоячиси Родри атрофидаги гап-сўзлар тўхтамаяпти – уни яна «Реал» ва «Барселона» билан боғлашмоқда. 

Cadena COPE маълумотича, ёз бошида каталонияликлар Родрини 60 миллион евро эвазига олиш имкониятига эга бўлган.

Бироқ 30 ёшли футболчининг маош борасидаги талаби «Барселона» учун жуда оғир келган – клуб молиявий фэйр-плей қоидаларини бузмаслик учун бунақа шартга боролмаган. 

Шу билан бирга, каталонияликлар Родри билан «Реал» ўртасида маълум келишув борлиги ҳақидаги маълумотга эга бўлган, жамоанинг марказий чизиғи эса шундоқ ҳам етарлича тўлдирилган эди.

Натижада «Барселона» ўша пайтда Родри вариантидан воз кечиб, эътиборини ҳужум чизиғини кучайтиришга қаратди. Ҳозир эса каталонияликлар ярим ҳимоячи атрофидаги вазиятни яқиндан кузатиб бормоқда.