"Roland Garros". Барча ярим финалчилар номи маълум бўлди!

"Катта дубулға" туркумига кирувчи Франция очиқ чемпионатида чорак финал баҳслари ўтказилмоқда.

Турнирнинг биринчи рақам остида сараланган ракетка устаси Новак Жокович чорак финал босқичидан ўрин олган ўз ўйинини ўтказди. Италиялик Матео Берреттинига қарши кортга чиққан сербиялик теннисчи 4 сетда беллашув тақдирини ҳал этди. Якуний ҳисоб: 6:3, 6:2, 6:7(5:7), 7:5.

Энди Жокович финал чиптаси учун қум қопламали кортлар қироли дея эътироф этиладиган Рафа Надаль билан куч синашади. Иккинчи финалчи номи германиялик Александр Зверев ҳамда грециялик Стефанос Циципас ўртасидаги ўйинда аниқланади.