Романо: Мбаппе - "Реал" футболчиси

Килиан Мбаппе "Реал" футболчисига айланди. Нуфузли инсайдер Фабрицио Романонинг хабар беришича, келишув ёпилган ва Мбаппе аллақачон Мадрид гранди билан шартнома имзолаган.

"Қироллик клуби" келаси ҳафта французнинг трансферини эълон қилади. Мбаппе сўнгги етти мавсумни ПСЖда ўтказди. 25 ёшли ҳужумчи яқинда ёзда клубни тарк этиш қарорини маълум қилганди. Килиан Мадридга эркин агент сифатида ўтади, чунки унинг Париждаги шартномаси 2023/2024 йилги мавсум охиригача амал қилади.

Маълумот учун, Килиан жорий мавсум Лига 1да 29 учрашувда қатнашиб, 27 та гол урди ва 4 самарали узатмани амалга оширди.