Роналду жазога тайёр

Португалия терма жамоаси ҳужумчиси Криштиану Роналду миллий жамоа лагеридаги интизомий қоидага риоя қилмагани учун қандай жазо олишини кутмоқда.

41 ёшли форварднинг таъкидлашича, бу ҳолат бўйича якуний қарорни Португалия футбол федерацияси қабул қилади. Унинг сўзларига кўра, у жамоа сардори сифатида ўз хатти-ҳаракатлари учун енгиллик кутмаслиги керак.

«Мен аллақачон узр сўрадим, лекин ҳар қандай қилмишнинг оқибати бўлиши шарт. Футболда ишлайдиган ҳар бир одам яхши билади: мақомидан қатъи назар, қоидалар ҳамма учун бир хил», — деган Роналду Фабрицио Романо орқали берган баёнотида.

Эслатиб ўтамиз, Криштиану Роналду Миллатлар лигасида Норвегияга қарши ўйинда захирада қолдирилгандан сўнг Португалия терма жамоаси қароргоҳини тарк этган эди.

Шунингдек, аввалроқ Роналду Португалия терма жамоасида фаолиятини давом эттириш нияти борлигини айтган ва ноябрь ойидаги чақирувга ҳам тайёр эканини маълум қилган.