Ronaldу va Roberto Karlos "Inter" klubini sotib oldi

Braziliya futboli afsonalari hisoblangan ikki yulduz kuch va sarmoyalarini birlashtirib, hozirda mamlakat chempionatining uchinchi divizionida o‘ynayotgan Limeyra shahrining mashhur «Inter» klubini qutqarishga bel bog‘lashdi.

1980-yillarda «Inter» ikki marta Braziliyaning ikkinchi divizionida chempion bo‘lgan, shuningdek San-Paulu shtati musobaqasida ham yuqori natijalar qayd etgan. Bolalik xotiralari va o‘sha yillar romantikasi, ko‘rinadi, sobiq futbolchilarni 1913 yilda tashkil etilgan klub taqdiriga befarq qoldirmadi. 

Ronaldo va Roberto Karlos investorlar konsortsiumi tarkibida bo‘lib, klub aksiyalarining 80 foizini sotib olgan guruhga kiradi.

Loyiha doirasida kelgusi o‘n yil ichida katta miqdorda mablag‘ kiritish rejalashtirilgani xabar qilinmoqda.  Nufuzli manbalardan derbyderbyderby.it sayti ma’lumoticha, sarmoya hajmi 454 million Braziliya realiga teng bo‘lib, bu taxminan 80 million AQSh dollarini tashkil etadi.