Роналдо Мессининг зўрлигини тан олди

Бразилия терма жамоасининг собиқ юлдуз ҳужумчиси Роналдо Аргентина терма жамоаси форварди Лионель Мессининг янги ютуғи ҳақида фикр билдирди. Месси жаҳон чемпионатлари тарихида энг кўп гол урган футболчига айланди.

«Футбол илоҳлари учун бу натижанинг ўзи етарли — у барчадан устун келди. Агар жаҳон чемпионатлари тарихида энг яхши тўпурар бўлишга кимдир ҳақли бўлса, бу айнан Месси. Эй Худо, у 38 ёшда. Мен 38 ёшимда карьерамни тўрт йил аввал тугатган, вазним эса 120 килограммга етган эди», — деди Роналдо. Унинг сўзларини нашр L’Equipe келтиради.

ЖЧ-2026нинг гуруҳ босқичи иккинчи турида Австрияга қарши ўйинда (2:0) Месси дубль қайд этди. Шу икки гол ҳисобига у жаҳон чемпионатлари тарихидаги энг яхши тўпурар сифатида якка рекордчига айланди ва ўз голлари сонини 18 тага етказди.

Месси оила аъзолари Аргентина юлдузининг жаҳон чемпионатидаги рекордчи голини байрам қилмоқда.