Роналду, уларни кутиб ол!

“Ан-Наср” жамоанинг асосий юлдузи Криштиану Роналдуни олиб қолиш учун унинг айрим талабларини бажаришига тўғри келди.

Хусусан, португалиялик футболчи жамоа совринларни қўлга киритиши учун кучли ижрочиларни олиб келиш кераклигини талаб қилмоқда.

Фабрицио Романонинг ёзишича, “Ан-Наср” раҳбарияти ёзги трансферлар вақтида иккита катта харидни амалга оширмоқчи. Хусусан, клуб мутасаддилари жамоага “ливерпуль” ҳужумчиси Луис Диасни олиб келишга бел боғлаган.

Бундан ташқари, риёдликлар ҳимоя чизиғини мустаҳкамлаш учун “Фейеноорд” футболчиси давид Ганцкони ҳам нишонга олган.

Шу ўринда, Саудия Арабистонининг яна бир қудратли клуби – “Ал-Ҳилол” 25 июнь куни бошланадиган клублар ўртасидаги жаҳон чемпионати учун Криштиану Роналдуни қисқа муддатга ижарага олишга ҳаракат қилаётгани айтилмоқда.