Роналду “Ан-Наср” борасида пушаймонлигини билдирди

Жаҳон футболи тарихида чуқур из қолдирган Криштиану Роналду Саудия Арабистонида бахтиёр эканини очиқ тан олди.

- “Ан-Наср”да ўзимни бахтиёр ҳис қиляпман ва бу буюк клуб билан бирга катта совринларни қўлга киритиш имкониятини интизорлик билан кутяпман.

Мен “Ан-Наср”га аввалроқ ўтмаганидан қаттиқ пушаймонман. Лекин ҳозир шу ердаман ва муваффақиятга эришиш учун боримни беришга тайёрман, - деди португалиялик юлдуз.

Роналду “Ан-Наср”да 2023 йилнинг бошидан тўп тепмоқда. Ҳозиргача 41 та учрашувда майдонга тушиб, 34 та гол ва 12 та ассист муаллифи бўлди.

38 ёшли форварднинг саудияликлар билан шартномаси 2025 йилнинг ёзигача тузилган.