Ronaldu “An-Nasr” borasida pushaymonligini bildirdi

Jahon futboli tarixida chuqur iz qoldirgan Krishtianu Ronaldu Saudiya Arabistonida baxtiyor ekanini ochiq tan oldi.

- “An-Nasr”da o‘zimni baxtiyor his qilyapman va bu buyuk klub bilan birga katta sovrinlarni qo‘lga kiritish imkoniyatini intizorlik bilan kutyapman.

Men “An-Nasr”ga avvalroq o‘tmaganidan qattiq pushaymonman. Lekin hozir shu erdaman va muvaffaqiyatga erishish uchun borimni berishga tayyorman, - dedi portugaliyalik yulduz.

Ronaldu “An-Nasr”da 2023 yilning boshidan to‘p tepmoqda. Hozirgacha 41 ta uchrashuvda maydonga tushib, 34 ta gol va 12 ta assist muallifi bo‘ldi.

38 yoshli forvardning saudiyaliklar bilan shartnomasi 2025 yilning yozigacha tuzilgan.