Роналду фаолиятида 11-бор "идеал" хет-трик қайд этди
Идеал хет-трик нима?
Португалия миллий терма жамоаси ва «Ан-Наср» ҳужумчиси Криштиану Роналду Саудия Арабистони чемпионати 12-турида «Ал-Холуд»га қарши ўйинда футболда «идеал» деб аталадиган хет-трикка эришди.
Роналду биринчи голини чап оёқда урди, иккинчисини боши билан йўллади, учинчи тўпни эса ўнг оёғи билан дарвозага жойлади. Бир ўйинда шу тарзда — чап ва ўнг оёқ ҳамда бош билан гол уриш комбинацияси футболда «идеал хет-трик» сифатида қайд этилади.
«Криштиану Роналду ҳозиргина ўз фаолиятидаги 11-идеал хет-тригига эришди! Қиёс учун: Лионель Мессида бундай хет-триклар сони — нол», — дея ёзди футболга ихтисослашган TM аккаунти.
«Ан-Наср» ушбу учрашувда 5:3 ҳисобида ғалаба қозонди. Шу билан бирга, Роналдунинг голли серияси бошланишидан олдин унинг икки марта урган тўпи офсайд сабаб бекор қилинган эди.
Роналду жамоаси шу тариқа очколар сонини 28 тага етказиб, турнир жадвалида иккинчи ўринни эгаллаб турибди. «Ан-Наср»нинг навбатдаги учрашуви 2 ноябрь куни Тошкентда «Пахтакор»га қарши ўтказилади. Ўйин бошланиш вақти — 18:45.
Изоҳлар (0)