Роналду: Мбаппе, “Реал” сенга ПСЖ эмас!

Жаҳон футболида энг кўп тўп киритган Криштиану Роналду “Реал”га кўчиб ўтган Килиан Мбаппе ҳақида фикр билдирди.

Беш карра “Олтин тўп” соҳиби франциялик футболчини “Реал” ўйинчиларига тушадиган босимларга бардошли бўлишга чақирди. 

- Мбаппенинг “Реал”га ўтгани ҳақида нима дейишим мумкин? “Реал” бу ПСЖ эмас. Бу ерда босим умуман бошқача. Лекин Килиан ҳаммасини уддалашига ишонаман, - деди Криштиану Роналду.

Маълумки, португалиялик ҳужумчи энг ёрқин даврларини “Реал”да ўтказган ва мадридликлар сафида 450 та гол урган.

Килиан Мбаппе эса, Роналдунинг мухлиси ҳисобланади ва уни ҳурмат қилишини бир неча бор эътироф этган.