Роналду Мессини кутяпти

Жаҳон футболи ишқибозлари яна Криштиану Роналду ва Лионель Мессини бир лигада кўриши мумкин.

Лионель Месси ўйнаётган “Интер Майами” МЛС плеф-офф босқичига чиқиш имкониятини бой берди. Энди аргентиналик юлдуз келаси мавсум бошлангунга қадар ўйин амалиётисиз қолиб кетади.

Расмий учрашувларда майдонга тушмаслик ҳар қандай футболчининг жисмоний ҳолатига салбий таъсир қилади. Юзага келган вазиятдан Саудия Арабистони клублари фойдаланиб қолмоқчи.

Саудияликлар Мессини АҚШ чемпионатининг кейинги мавсуми бошлангунига қадар ижарага олмоқчи. Бу ҳақда таниқлик журналист Руди Галлетти хабар берди.

АҚШ лигасининг кейинги мавсуми келаси йилнинг февраль-март ойларида бошланади. Саудияликлар Мессига яхшигина маош таклиф қилишга тайёр. Бундан ташқари, “Интер Майами2 ҳам ижара шартномасидан мўмай даромад қилиш имконига эга бўлади.