Роналду “Реал”дан хушхабар олди
“Реал”ни қабул қилиб олишга тайёргарлик кўраётган Хаби Алонсо клуб тарихида чуқур из қолдирган Криштиану Роналдунинг қисқа муддатга Мадридга қайтишига қарши эмас.
El Gol Digital нашрининг ёзишича, испаниялик мутахассис “Реал” тарихидаги энг зўр тўпурарни бир ой давомида “Реал”да ўйнашини ёқламоқда. Бу мутахассис 40 ёшли футболчи клублар ўртасидаги жаҳон чемпионатида жамоага ёрдам бера олади, деган фикрни илгари сурмоқда.
Криштиану Роналдунинг “Ан-Наср” билан шартномаси 30 июнда тугайди. Томонлар ҳамкорликни узайтириш учун музокара ўтказаётган эди. Бироқ айрим сабабларга кўра, улар ҳали бир тўхтамга келмади.
ФИФА янги форматда ташкил этилган клублар ўртасидаги жаҳон чемпионати олдидан иштирокчи клубларга янги ўйинчиларни ўз сафига қўшиб олиш имконини берди. Бир неча клублар ушбу мусобақада тўп тепишни орзу қилаётган португалиялик юлдузга имкон беришга тайёрлигини маълум қилган.
Комментарии