Роналду таъзия билдирди

Беш карра «Олтин тўп» соҳиби Криштиану Роналду испаниялик футболчи, «Тенерифе» ярим ҳимоячиси Хесус де Мигел оиласига таъзия изҳор этди. 

«Фожиа. Сўз йўқ. Оиласига куч-қувват тилайман. Осойишта дам ол», — деб ёзди Роналду Instagram саҳифасидаги сторисида. 

Хесус де Мигель сешанба куни шифохонада 30 ёшида вафот этди. У 2 ноябрь куни Санта-Крус-де-Тенерифеда бўлиб ўтган Испания иккинчи дивизиони учрашувида «Андорра» дарвозабони Хесус Овоно билан тўқнашиб кетган эди. 

Учрашувнинг иккинчи бўлимига қўшиб берилган еттинчи дақиқасида, ҳисоб 2:2 бўлиб турган пайтда Овоно бирга-бир вазиятни тўхтатиш мақсадида дарвозасини ташлаб, марказий доира томон чиқди ва шиддат билан де Мигелга урилиб кетди. 

Йиқилиш чоғида ҳушини йўқотган ҳужумчи майдондан носилкада олиб чиқилди ва дарҳол кийиниш хонасига, у ердан эса тез ёрдам машинасида шифохонага етказилди. Кейинчалик футболчида юрак ва нафас фаолияти тўхтагани ҳақида хабар берилди.