Ronaldu yana muammolar girdobida
«Real» hujumchisi Krishtianu Ronaldu soliqlarni to‘lashdan bo‘yin tovlaganlik aybi bo‘yicha o‘tkazilayotgan tergov yuzasidan, soliq idorasi bilan kelishuvga erishishdan bosh tortdi.
Ma’lumki, yozda Ispaniya prokuraturasi uni 2011-2014 yillarda olgan daromadini yashirish oqibatida, jami 14,7 million evro miqdoridagi soliqni to‘lamaganlikda ayblagan edi.
El Mundo xabariga ko‘ra, 33 yoshli futbolchi o‘zining mutlaqo aybsiz ekaniga ishonchi komil.
Yaqinda u advokatlarini ham almashtirdi. Yangi huquqshunoslarning ta’kidlashicha, futbolchiga qo‘yilayotgan ayblovlar «asossiz, isbotsiz va qonunga ziddir».
Endi Ronalduning aybi sudda isbotlansa, unga haqiqiy qamoq jazosi xavf solishi mumkin.
Fikrlar